KONPROMISOAK BILTZEA, OGP EUSKADIREN 2021-2023 PLANEAN TXERTATZEKO (GOBERNU IREKIAREN ALDEKO ITUNEKO KIDEA)


Euskadi Gobernu Irekiaren Aldeko Ituneko (OGP) kidea da. Eusko Jaurlaritzak, Arabako, Bizkaiko eta Gipuzkoako Foru Aldundiek, Gasteizko, Donostiako eta Bilboko Udalek eta Innobasque-Berrikuntzaren Euskal Agentziak, OGP Euskadiren erakunde sustatzaile garenez eta gobernu irekiarekin epe luzerako konpromisoa hartuta dugunez, 2021-2023rako gobernu irekiaren hurrengo plana egitea dugu helburu. 

Planak 3 eta 5 konpromiso bitarte eduki behar ditu, zerbitzuak ematean, programetan edo politiketan gardenagoak, parte-hartzaileagoak edo kolaboratzaileagoak izateko. Eta herritarrekin elkarlanean arituta definitu eta garatu behar da plana. 

2018-2020 aldirako planean 5 konpromiso hartu ziren. OGP Euskadiri buruzko informazio guztia eta orain arte landutako konpromisoak webgune honetan kontsulta daitezke: https://www.ogp.euskadi.eus/ogp-euskadi/-/gobierno-abierto-en-euskadi/ 

OGPren kide diren beste eskualde batzuek landutako konpromisoak kontsultatzeko aukera ere badago erakundearen webgunean: https://www.opengovpartnership.org/policy-areas/ . Informaziorako eskubidea, generoa eta gizarteratzea, gobernantza eta eskubide digitalak, hiri-eremuaren babesa, baliabide naturalak, eta integritatea dira landutako eremuetako batzuk.


Inkesta honetan 28 galdera daude.
  Pribatutasunari buruzko oharra
Inkesta hau anonimoa da.
Inkestan eman dituzun erantzunen erregistroek ezin zaituzte inolaz ere identifikatu, galdera batek esplizituki egiten ez badu. Inkesta honetan gonbidapen-kodearen bidez parte hartzen baduzu, seguru egon zaitezke zure nortasuna ez dela erantzunekin lotuko. Ez dago zure erantzunak zureak direla jakiteko modurik.